اختبار Graduate Record Examinations(GRE)

ال #GRE عبارة عن اختبار بتعمله عشان تقدر تكمل للماجستير والدكتوراة واختصار لكلمة (Graduate Record Examinations) ، بيتطلب في بعض المنح عشان يعرفو مستواك أيه في التخصص بتاعك أو التخصص اللي حابب تقدم ليه ..
طب ناخد الموضوع خطوة خطوة😃

أيه هي المواضيع اللي تقدر تمتحن فيها ؟
دول كتييير قوي عشان تغطي كل المجالات:-
 الكيمياء الحيوية والخلية والبيولوجيا الجزيئية وعلم الأحياء والكيمياء وعلوم الحاسب الآلي والأدب باللغة الإنجليزية والرياضيات والفيزياء وعلم النفس.

طب أقدر اقدم أكتر من مره و لو أقدر يبقي مسموح كم مره ؟ 😃
تقدر تقدم 55 مرات فالسنه بس يكون بين كل اختبارين ورا بعض شهر عالى الأقل عشان كدا لازم تجهزله كويس جدا قبل ما تقدم ودا عن طريق كتب في المجال اللي هتكمل فيه

طب أيه المهارات اللي بيقيسها الامتحان ؟!
1-الكتابة التحليلية -Analytical Writingg- (القسم دا بيقيس القدرة على تلخيص المعلومات ومناقشة الأفكار بالبراهين) ومقسوم لقسمين :-

-تحليل موضوع: Analyze an Argument
 و فيه بيتم تطرح دراسة معينة مدعومة بدلائل وأنت مفروض تدرس وتحلل إذا كانت الأسس اللي قامت عليها الدراسه صح ولا لأ .

-تحليل منطقي لمشكلة: Analyze an Issue
 وهنا بيديك قضيه بتحتمل وجهتين نظر وأنت المفروض تقول أيه موقفك من القضيه أو الموضوع دا بالتفصيل وتقول علي أساس أيه دعمت الجانب دا من الموضوع وترتب دا في مقاله
 Time: 60 minutes Format: Two 30 minute essays

2-الاستدلال اللفظي -Verbal Reasoning- (بتكون عن الكلمات والمفردات ومدي استيعابك ليها) عشان كدا مهم تاخد الايلتس أو التويفل الأول
 Time: 30 minutes Format: 20 questions

3-الاستدلال الكمي -Quantitative Reasoning- (و فيه حل المشكلات باستخدام النماذج الرياضية وبتطبق المهارات الرياضية الأساسية والمفاهيم الرياضية الأولية للجبر والهندسة والأحتمالات والإحصاء )
 Time: 35 minutes Format: 20 questions

ممكن تسجل للامتحان من اللينك دا :-
https://mygre.ets.org/greweb/login/login.jsp…

ودا لينك للكتب اللي تقدر تساعدك :-
http://englishtips.org/exam_materials/gre/
ودا موقع للي حابب ياخد كورسات بدون تكلفه مادية :-
http://www.kaptestglobal.com/course/gre-events
وهتلاقي اللفيديوهات هنا تقدر تتفرج عليها عشان تفهم أكتر:-
https://www.youtube.com/results?search_query=gre+course

بعد كل دا وضحت لينا أهميه امتحان ال #GRE وأنه محتاج تحضير كويس بس أفتكر.... علي قد تعبك علي قد ماهتوصل